Antwerp i Arbnor Mujës, Copenhagen dhe PSV janë 3 skuadrat e fundit që fituan sfidat e “Play-Off” dhe siguruan kualifikimin në grupet e Champions League. Tashmë janë kompletuar 32 skuadrat që do të luajnë këtë fazë për sezonin 2023-2024.

Shorti do të hidhet ditën e sotme në Monako duke nisur që nga ora 18:00. Faza e grupeve e Champions League do të jetë e fundit për sezonin 2023-2024 me këtë format dhe si rrjedhojë pritet të jetë mjaft i emocionues.

32 skuadrat janë ndarë në 4 vazo. Në vazon e parë bëjnë pjesë skuadrat që janë fitues i Champions dhe Europa League, ndërsa përfshihen edhe 6 kampionet e kampionateve kryesore.

Ndërkohë vazot e tjera përcaktohen nga renditja e klubeve, ku asnjë ekip nuk do të mund të përballet me një skuadrës të së njëjtit kampionat.

Dy skuadrat e para të secilit grup do të kalojnë në raundin e 16-të. Skuadrat e vendeve të treta në secilin grup do të kalojnë në play-off për fazën eliminatore të UEFA Europa League, ku do të përballen me nënkampionët e grupeve të UEFA Europa League për një vend në raundin e 16-të.