Edhe gjatë ditës së sotme pritet të vazhdojë seanca e Apelit e cila është e dyta më radhë në çështjen ndaj Salih Mustafës i cili është dënuar nga Gjykata Speciale me 26 vjet burgim për krime lufte.

Në këtë seancë pritet që t’i prezantojë parashtrimet përfundimtare Zyra e Prokurorit të Specializuar lidhur me përcaktimin e dënimit ndaj Salih Mustafës.

Po ashtu, sot pritet që parashtrimet e veta t’i paraqes mbrojtja e viktimave dhe sipas nevojës edhe mbrojtja e Mustafës e po ashtu edhe Mustafa.

Seanca e sotme në këtë çështje do të fillojë në 09:30 për të vazhduar deri në ora 12:00.

Salih Mustafa ka paraqitur në Panelin e Gjykatës së Apelit 51 pika kundër vendimit dënues me 26 vite burg të shqiptuar ndaj tij nga Gjykata Speciale më 16 dhjetor 2022.