Përfaqësuesja e Kosovës do ta zhvillojë sot një ndeshje jashtëzakonisht të madhe miqësore.

“Dardanët” do të përballen me Zvicrën në “Letzigrund Stadion” në Cyrih në pasditën e sotme.

Ndeshja e sotme do të zhvillohet nga ora 18:00.

Do të jetë kjo ndeshja e parë miqësore mes dy përfaqësueseve.

Mediumi “Sportsmole” që bën parashikime rreth ndeshjeve, këtë ndeshje e ka parashikuar si fitore të Zvicrës me rezultatin 3:1.

“Ndeshja e së martës do të jetë takimi i parë mes dy kombeve dhe me Zvicrën e renditur në vendin e 14-të në botë, mendojmë se nikoqirët kanë shumë cilësi në radhët e tyre, gjë që do t’i ndihmojë ata të arrijnë një fitore të rehatshme ndaj Kosovës në mesjavë”, thuhet në parashikimin e mediumit britanik.

Në Zvicër, poashtu edhe në Kosovë, kjo ndeshje konsiderohet edhe “vëllazërore” për shkak se shumë shqiptarë kanë luajtur dhe luajnë te helvetikët.

Ndryshe, Kosova vjen në këtë ndeshje pas fitores 5:0 ndaj Burkina Fasos, kurse Zvicra nga humbja 2:1 prej Anglisë.