Në një intervist për BBC, sekretari i përgjithshëm i NATO-së Jens Stoltenberg, ka deklaruar se NATO duhet të jetë i përgatitur për të mbështetur Ukrainën në plan afatgjatë.
Sipas tij, aleatët perëndimorë duhet të rrisin prodhimin e armëve në muajt e ardhshëm për të siguruar që Ukraina të jetë plotësisht e aftë për t’u mbrojtur kundër Rusisë.
“Ajo që kemi parë është se Rusia nuk tregon shenja të heqjes dorë nga qëllimi i saj për të marrë kontrollin mbi Ukrainën. Forcat ukrainase patën momentin për disa muaj, por ne gjithashtu e dimë se Rusia ka mobilizuar shumë më tepër forca, shumë prej tyre tani janë duke u trajnuar”, ka deklaruar ai.
Sipas sekrtearit Stotelnberg, ka të ngjarë që lufta të përfundojë në tryez të bisedimeve, por vendimtare për rezultatin e bisedimeve është forca e Ukrainës në fushëbetejë.