Studimet shkencore, mbi ndikimin e stresit në organizëm, sugjerojnë se stresi është shkak por edhe pasojë e humbjes së shikimit.

Kur njeriu humbet shikimin, ai përjeton një nivel të jashtëzakonshëm të stresit mendor.

Në disa raste, një problem i tillë shoqërohet edhe me depresion dhe izolim social.

Natyrshëm, shkencëtarët mendojnë se stresi mund të ketë pasoja të rënda në humbjen e shikimit.

Shkencëtarët që kryen studimin janë pjesë e Institutit të psikologjisë mjekësore në Gjermani.

Ata shpjeguan se stresi i vazhdueshëm që rrit sasinë e kortizolit, ndikon në sistemin nervor simpatetik dhe atë vaskular.

Në vazhdimësi, stresi prek shëndetin e trurit dhe syve duke shkaktuar përfundimisht edhe humbjen e plotë të shikimit.

Stresi shkakton dhe përkeqëson problemet me sytë

Shkencëtarët gjermanë arritën në konkluzionin se stresi jo vetëm që është pasojë e humbjes së shikimit por mund të përkeqësojë problemet me sytë.

Sipas tyre, nëse njeriu çlirohet nga prangat e stresit mund të përmirësojë shikimin dhe madje ta rikthejë atë.

Cilat janë problemet që shkakton stresi te sytë

Në shumicën e rasteve, problemet që shkakton stresi tek sytë janë të përkohshme.

Simptomat që shfaqen kur stresi ndikon te shëndeti i syve:

Humbje të shikimi periferik;

Ndjeshmëri të lartë ndaj dritës;

Kontraktime të syve;

Përtharje ose lagështi të tepërt te sytë;

Shikim të mjegulluar

Shfaqja e pikave gjatë përqendrimit ose shikimit normal.

Këto simptoma zakonisht zhduken me përfundimin e një situate stresuese.

Nëse këto probleme vazhdojnë, atëherë rekomandohet që të konsultoheni me një mjek oculist, shkruan AgroWeb.org, transmeton Insajderi.