Një ngjarje tronditëse ndodhi pak pas mesnatës, kur si pasojë e të shtënave me armë te Top Channel, mbeti i vrarë Pal Kola, i cili punonte si roje në ambientet e televizionit.

Nuk dihen ende motivet e krimit, por dyshohet se autorët kanë qenë tre. Në Golem është gjetur një makinë e djegur me dy kallashinkov brenda, e cila dyshohet se u përdor për sulmin.

Reagimet për ngjarjen kanë qenë të shumta, mes tyre edhe gazetari i Top Channel, Bledi Mane ka shkruar:

“Më 12 mars 2023 e vranë aty te puna banakieren e pafajshme Mimoza Paja. Sot më 27 mars 2023 e vranë aty te puna rojen e pafajshëm Pal Kola…

Mirmëngjesi Atdheu im, sa shumë gjak po kullon rrugëve të tua!”