Dy zyrtarë policorë kanë pësuar lëndime gjatë ditës së djeshme në Prishtinë, më konkretisht në rrugën “Dëshmorët e Kombit, shkruan Insajderi.

Policët e njësitit rrugor pasi kishin ndalur shoferin e një automjeti, kanë kuptuar se bëhet fjalë për një person që po kërkohet nga organet e rendit.

Pas kësaj personi i dyshuar ka tentuar të largohet duke iu shkaktuar lëndime policëve, të cilët kanë pranuar edhe tretman mjekësorë.

Lidhur me rastin është njoftuar prokurori i cili e ka udhëzuar që rasti të hetohet në procedurë të rregullt, thuhet në raportin 24 orësh.