Prishtina e Trepça ’89 do të ndeshen sot në stadiumin “Fadil Vokrri” në Prishtinë në sfidën e mbetur të javës së 9-të në Albi Mall Superligë.

Prishtina që tashmë besohet se e ka kapur formën më të mirë ku shënoi tri fitore rresht, do të kërkojë fitoren e radhës përballë Trepçës ’89 e cila në sfidën e fundit pësoi debakël duke u mposhtur 4:0 nga Malishevë.

Ndeshja nis nga ora 18:00 dhe pritet të zhvillohet një duel interesant kur dihet se rivaliteti i këtyre dy skuadrave gjithmonë ka ekzistuar. Gjithsesi për Munishin e Prishtinës vetëm fitorja vlen, çdo rezultat tjetër do të ishte i papranueshëm.