Ministri i Punëve të Brendshme, Xhelal Sveçla, ka thënë se janë duke e respektuar Marrëveshjen e Bratislavës e arritur mes Kosovës dhe Bashkimit Evropian për veprimet e deskalimit të situatës në Veri.

E një nga ato veprime është edhe reduktimi i forcave policore rreth komunave veriore.

Duke filluar nga dita e nesërme do të reduktohet numri 25 për qind brenda dhe për rreth ndërtesave komunale, ka thënë Sveçla.

”Policia e Kosovës ka mbajtur një takim me EULEX-in dhe KFOR-in, siç është paraparë me pikën 2 të marrëveshjes së Bratislavës. Konkluzioni i vlerësimit të përbashkët të sigurisë është se situata është e qetë. Nga nesër do të ulim prezencën e policisë edhe me 25% brenda dhe përreth ndërtesave komunale”, ka shkruar Sveçla në Twitter.

Ai ka thënë se Kosova është duke e respektuar marrëveshjen e Bratislavës.

”Kosova po zbaton zotimet nga marrëveshja e Bratislavës dhe po vazhdon të kontribuojë pozitivisht në de-përshkallëzimin”, ka thënë ai.

Për shkak të situatës në Veri, Bashkimi Evropian kishte vendosur masa ndëshkuese ndaj Kosovës.

1/2 Kosova Police held a meeting w/EULEX & KFOR, as foreseen by point 2 of Bratislava agreement.
Conclusion of the joint security assesment is that the situation is calm. From tomorrow we will reduce police presence by another 25% in & around municipal buildings.

— Xhelal Sveçla (@XSvecla) August 3, 2023