×
  • Lajme
  • Insajderi / Ballina 5

    Takimi me Escobar – Lista Srpska del me njoftim

    Insajderi
    27 July 2023 - 19:42

    Nënkryetari i Listës Serbe, Igor Simiq bashkë me Slavko Simiq kanë zhvilluar të enjten një takim me Zëvendës Ndihmës Sekretarin dhe Përfaqësuesin Special për Ballkanin Perëndimor , Gabriel Escobar.

    Takimi në mes tyre ka ndodhur në Departamentin amerikan të Shtetit.

    Siç ka njoftuar Lista Serbe, në takim është përcjellë qëndrimi i komunitetit serb për situatën e sigurisë politike në Kosovë, si dhe nevojën e respektimit të marrëveshjeve të nënshkruara, përfshirë marrëveshjet për formimin e Asociacionit të komunave me shumicë serbe, si dhe udhërrëfyesin. për deeskalimin e situatës në veri të Kosovës.

    Qeveria e Kosovës ka arritur një marrëveshje me Bashkimin Evropina, ku thotë se i kanë ndërmarrë veprimet për deeskalim.

    Por Lista Serbe nuk është mjaftuar, duke kërkuar formimin e Asociacionit si dhe lirimin e serbëve që sipas Beogradit dhe Listës Serbe ”po persekutohen“.

    Zyrtarët e Listës Serbe do të zhvillojnë edhe të tjera takime në SHBA.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark