Këngëtarja Orhidea Latifi e njohur si Kida karrierën e saj muzikore e kishte filluar në moshën 14 vjeçare.

Ndonëse kanë kaluar vite nga lansimi i këngës së saj të parë, Kida ka folur për herë të parë se nga kush e ka trashëguar talentin për muzikë.

‘’Prindërit e mi kanë kënduar, por jo publikisht, megjithatë gjithmonë ju ka shkuar zëri. Unë jam e para dhe e vetmja këngëtare në familje. Përndryshe, ende e mbaj shoqërinë e dikurshme dhe jam krejt e njejtë”, ka thënë Kida.

Ajo ka folur edhe për shoqërinë e saj të vjetër dhe raportet me ta.

“Kur kam kohë dal për kafe me ta dhe kaloj shumë mirë, ata më shohin si Kida e vjetër dhe jo si Kida e famshme’’, ka shtuar ajo./Insajderi