×
  • Lajme
  • Lajme / Kosovë

    “Të gjithë e njohin Kosovën, e unë kishe nuk po e njoh” – flet serbi nga Zveçani pasi e regjistroi automjetin në RKS

    Insajderi
    15 November 2023 - 14:57

    Dragan Kostiq nga i cili jeton në Zveçan ka thënë se ai ka vendosur ta regjistroi automjetin e tij në RKS, dhe sipas tij përderisa të gjithë e njohin Kosovë, nuk ka përse të veprojë ndryshe, shkruan Insajderi.

    Kostiq është nga fshati Sllatinë, afër Vushtrrisë, i cili jeton në fshatin Grabovc, komuna e Zveçanit që nga përfundimi i luftës në Kosovë në vitin 1999.

    “Vendosa sepse nuk ka rrugëdalje tjetër. Unë jetoj në një vend që ne, bëhemi sikur nuk e njohim, por, realisht, njihet. E gjithë bota e pranoi, e unë kishe nuk po e njoh”, tha Kostiq për agjencinë e lajmeve “Anadolu”, përcjell Insajderi.

    Ai ka theksuar se deri më tani ai lirisht ka mund ta vozisë veturën e tij me targa KM.

    Kostiq shton se edhe vitin e kaluar ka qenë i vetëdijshëm se duhet ta ri regjistrojë veturën, por ka pasur frikë se mos i digjet vetura ose e rrahin.

    Pronarët e automjeteve me targa të vjetra të Serbisë nuk do të lejohen të regjistrohen me targa RKS pas datës 1 dhjetor dhe as të lëvizin brenda apo përtej territorit të Republikës së Kosovës.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark