Avokati Tomë Gashi, i ka uruar Vitin e Ri, hoxhës Shefqet Krasniqi, madje në mbishkrim ka vendosur edhe katër gota shampanjë. Ky urim i Gashit vjen pas deklaratës së hoxhës ku kishte dhënë “udhëzime” se si të dhunohet fizikisht një përdorues alkooli në familje.

Gashi në një storie në rrjetin social “Facebook” i uroi Vitin e Ri hoxhës.

“Hajde more urime Viti i Ri“, ka shkruar ai, duke shoqëruar edhe katër gota shampanjë në atë urim.

Hoxha i njohur kur është pyetur se si të veprohet me familjarët që janë të varur nga alkooli ai tha se duhet “rrahur” të njëjtit.

“Axha ka pi alkohol pastaj ka tentu me kall shpijen, çfare t’i bejme”, ka pyetur një ndjekës/e i tij.