Murat Yakin është deklaruar rreth ndeshjes që Zvicra e zhvillon si mysafir i Kosovës më 9 shtator në stadiumin “Fadil Vokrri” në kuadër të kualifikimeve për Euro 2024.

Trajneri i Helvetikëve e ka quajtur këtë ndeshje si vëllazërore, mirëpo është ankuar për gjendjen e fushës në Prishtinë.

“Nga shorti e dija se kjo mund të ishte një nga ndeshjet më të vështira në grup”, ka thënë Yakin për 20min.

“Gjithashtu emocionalisht. Ju keni lojtarë të lidhur me Zvicrën, ne kemi lojtarë të lidhur me Kosovën”.

“Por, emocionet në këtë duel vëllazëror do të jenë vetëm pozitive. Unë jam më i shqetësuar për diçka tjetër”.https://zeri.info/inarticle.html

“Fusha në Prishtinë ishte në gjendje shumë të keqe gjatë ndeshjes së fundit në shtëpi kundër Rumanisë”.

“Shpresoj se do të luajmë në një fushë të mirë”, ka shtuar më tej trajneri i Helvetikëve.

Zvicra i prin Grupit I me 10 pikë pas katër ndeshjeve. Kosova ka grumbulluar tri pikë. /Telegrafi