Deputeti i Lëvizjes Vetëvendosje, Haki Abazi, do të jetë sonte mysafir në Pressing te Leonrad Kërquki në T7.

Lajmin e ka konfirmuar drejtuesi i emisionit, shkruan Gazeta Insajderi.

Abazi do të kthehet në këtë studio tri vjet pas u rrah nga Dardan Molliqaj, tash kryetar i PSD-së.

Në shtatorin e 2019, Abazi kishte njoftuar se ishte sulmuar nga Molliqaj, dhe shoqëruesi I tij.

Incidenti kishte ndodhur në ambientet ku realizoheshin debatet e televizionit T7 në prag të fushatës zgjedhore.

“Unë kam qenë në dalje, kam qenë duke ecë me Rexhep Hotin dhe ata më kanë sulmuar”, pati thënë Abazi.

Incidentin edhe atëherë e pati konfirmuar drejtuesi i emisionit “Pressing”, Leonard Kërquki.