×
  • Lajme
  • Lajme

    U qëllua nga makina, publikohet momenti i vrasjes së 41-vjeçarit

    Insajderi
    07 December 2023 - 23:31

    Ky është momenti i vrasjes së Elton Alias Erjon Javorit në Fier.

    Siç shihet dhe në video, autori i dyshuar i ngjarjes, Agim Gashi ka qenë duke lëvizur me makinën tip “Benz” kur i është afruar mjetit tip fuoristradë në të cilën ndodhej Elton alias Erjon Javori, ndaj të cilit ka qëlluar me plumba nga xhami i mjetit.

    Pas të shtënave me armë, të dy makinat shihen se kanë marrë drejtime të ndryshme.

    Në foto: Automjeti me të cilin lëvizte viktima, Elton alias Erjon Javori

    Në foto: Automjeti me të cilin lëvizte autori, Agim Gashi

    Sjellim në vëmendje se ngjarja e rëndë u regjistrua rreth mesditës së kësaj të enjte në lagjen 16 Prilli në Fier, ku viktima u qëllua me breshëri plumbash vetëm pak metra larg banesës së tij. Autori, Agim Gashi u largua me shpejtësi dhe tashmë është shpallur në kërkim nga policia.

    Identifikimi i tij u bë përmes kamerave të sigurisë në zonë, pasi lagjia ku ndodhi vrasja e 41-vjeçarit Javori është e mirëmonitoruar. Deri në këtë fazë të hetimit, policia dhe prokuroria e Fierit dyshon se ngjarja mund të ketë ndodhur për motive të dobëta.

    Burime pranë grupit hetimor bënë me dije se bëhet fjalë për një konflikt të krijuar pas një krushqie të prishur. Megjithatë pavarësisht këtyre dyshimeve policia vijon hetimet për sqarimin e plotë të rrethanave të ngjarjes.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark