×
  • Kulturë
  • Show / Kulturë

    U realizua aktiviteti letrar “Turneu i shkrimtarëve”

    Insajderi
    17 January 2024 - 10:15

    Qendra për Kulturë dhe Edukim “Sheshi” realizoi aktivitetin e saj kulturor dhe letrar “Turneu i shkrimtarëve në qyteza dhe fshatra të Kosovës”.

    Ky aktivitet u mbështet nga Ministria e Kulturës, Rinisë dhe Sportit (MKRS), së cilës i jemi mirënjohës përzemërsisht.

    “Turneu i shkrimtarëve” u mbajtë në qytezat e Vushtrrisë, Lipjanit dhe Shtimes. Diskutimet për librin shqip dhe leximin e tij u zhvilluan në bibliotekat e qyteteve të lartpërmendura, si dhe në në ambientet e ndryshme shkollore në komunat e lartpërmendur dhe u mirëpritën me dashamirësi dhe kureshtje nga të pranishmit.

    Diskutimet me të pranishmit u zhvilluan nga shkrimtarët Adil Olluri, Elvi Sidheri dhe Jehona Gashi.

    “Turneu i shkrimtarëve” është një aktivitet i rëndësishëm kulturor e letrar, për faktin se përmes tij qytetarët dhe lexuesit qytezave dhe fshatrave të ndryshme të Kosovës mund të njihen me shkrimtarët e letërsisë së tashme shqipe në Kosovë. Po ashtu, është një aktivitet që mund ta nxisë kërshërinë e leximit dhe dashurinë për letërsinë bashkëkohore shqipe. Qëllimi parësor i aktivitetit tonë që t’ju mundësojmë të rinjve e të rejave të qytezave dhe fshatrave të vendit tonë njohjen e afërt e të drejtpërdrejtë me zhvillimet aktuale letrare në Kosovë. Gjithashtu, qëllim i ynë është që të kemi aktivitete edhe në pjesë të ndryshme të Kosovës, duke qenë se thuajse të gjitha organizimet letrare e artistike janë fokusuar në qendrën e Prishtinës.

    Po ashtu, QKE “Sheshi”, në kuadër të këtij aktiviteti, dhuroi një shifër simbolike të veprave letrare të shkrimtarëve të tashëm shqiptarë për bibliotekat komunale të qytezave të sipërcekura.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark