Një person ka raportuar në polici se pasi e ka dërguar bashkëshorten e tij në repartin e gjinekologjisë në QKUK e ka kuptuar se foshnja ka vdekur. Pas kësaj deklarate Insajderi ka telefonuar drejtorin e këtij reparti, Zef Ndrejajn.
Ndrejaj ka mohuar deklaratën e babait, ka theksuar se foshnja ka vdekur sa ka qenë brenda në mitër.
Ai konfirmoi se rasti është në autopsi dhe do të shihet saktë se çka ka ndodhur.
“Gabim është (deklarata e babit), foshnja nuk ka lindur e vdekur, ka vdekur brenda në mitër tash arsyet janë të shumta. mundet me qenë kordoni edhe ndonjë anomali. Kështu që rasti është në autopsi kur verifikohet atëherë e shohim se çka është arsyeja”, ka thënë Ndrejaj për Insajderin.
Çka deklaroi babai i foshnjës në Polici?
Sipas babait të foshnjës, pasi e ka dërguar bashkëshorten për lindje në repartin e gjinekologjisë, e ka kuptuar se foshnja ka vdekur.
“Ankuesi mashkull kosovar ka raportuar se, pasi e ka dërguar bashkëshorten për lindje në repartin e gjinekologjisë, e ka kuptuar se foshnja ka vdekur. Njësitet policore kanë dalë në vendin e ngjarjes dhe janë duke hetuar rastin”, thuhet në raportin e policisë.
/Insajderi