Policia e Kosovës ka njoftur se personi i cili para disa ditësh ishte sulmuar fizikisht nga një burrë ka vdekur si pasojë e lëndimeve të rënda.
Në raportin 24-orësh të Policisë së Kosovës thuhet se i dyshuari për sulmin është arrestuar dhe me vendim të prokurorit është dërguar na mbajtje.
Rasti kishte ndodhur javën e kaluar në Shtërpcë.
“Shtërpcë / 10.12.2023 – 17:00. Është arrestuar i dyshuari mashkull kosovar pasi që më datë 08.12.2023 kishte sulmuar fizikisht viktimën mashkull kosovar. Viktima ka qenë në tretman mjekësor dhe më datë 12.12.2023 është konfirmuar se si pasojë e lëndimeve viktima ka ndërruar jetë. Me vendim të prokurorit, i dyshuari është dërguar në mbajtje”, thuhet në noftimin e policisë.