Kryetari i Skenderajt, Sami Lushtaku, sapo i lirua nga burgu pas një vendimi të Gjykatës Supreme, u nis drejt e në Prekaz siç  tha për të nderuar familjen Jashari.

Me një ekip të bashkëpartiakëve dhe të Komunës së Skenderajt, Lushtaku shkoi në Prekaz, por në përgjimet e publikuara nga Insajderi në serinë e hulumtimeve “Dosja e Shefave”, Lushtaku kishte përdorur emrin e familjes Jashari në një këndvështrim aspak të mirë.

https://www.facebook.com/GOInsajderi/videos/2058828194343000/

Teksa fliste në telefon me ish-shefin e grupit parlamentar të PDK-së, Adem Grabovcit, teksa komentojnë veprimet e Jakup Krasniqit, atëherë kryetar i Kuvendit të Kosovës, Lushtaku përmend familjen Jashari.

“Pasha zotin, pa t’ja kallxu venin, nuk e kisha lanë bash me pas kanë ai i biri i Adem Jasharit, hëë…”, thoshte Lushtaku, i cili kërkonte nga Grabovci shkarkimin e Krasniqit nga pozita e kryetarit të Kuvendit pasi ai nuk ishte në “vijën e partisë”.

Dosja e Shefave XIV: Lufta brenda PDK-së për pozitat e larta në institucionet e shtetit