Dy raste të vjedhjes së rëndë kanë ndodhur dje në dy komuna të Kosovës, Klinë e Prishtinë.
Në Prishtinë, ankuesi ka raportuar se persona të panjohur kanë hyrë me forcë në shtëpinë e tij dhe kanë vjedhur stoli ari, telefon, para të gatshme dhe gjësende të tjera.
Ndërkaq në Klinë një person është ankuar se persona të panjohur kanë hyrë në shtëpinë e një pronari i cili ndodhet jashtë shtetit.
Nga aty është vjedhur një pushkë gjuetie, për ë cilën sipas dëshmitarit viktima ka leje. Sipas njoftimit të policisë, të dyja rastet janë në procedurë hetimore./Insajderi