Vjosa Osmani ka thënë se më 14 shkurt me kurajo dhe guxim, dhe me vullnetin e popullit, Albin Kurti do të jetë kryeministër.

Ky reagim i numrit dy të listës së Vetëvendosjes, ka ardhur pas vendimit të Gjykatës Supreme, i cili s’e ka lejuar Albin Kurtin të kandidojë për deputet, për shkak të veprës penale, ashtu siç edhe ka vendosur edhe Gjykata Kushtetuee ditë më parë.

“Në historinë e popujve vota ka dy funksione: për ta ndëshkuar një model qeverisës dhe për ta hapur një kapitull të ri politik. Kthesat politike kërkojnë kurajo dhe guxim. Më 14 shkurt me kurajo dhe guxim, e me vullnetin tuaj, Albin Kurti do të jetë kryeministër”, ka shkrur Osmani, e cila me listën e saj është futur në garë së bashku me Vetëvendosjen e Kurtit, shkruan Gazeta Insajderi.