Kandidatja për presidente nga radhët e VV-së, Vjosa Osmani, ka mbajtur konferencë të përbashkët me kandidatin për kryeministër, Albin Kurtin.

Osmani ka thënë, pas suksesit të VV-së në zgjedhjet parlamentare të 14 shkurtit, se qytetarët dëshirojnë një kapitull të ri.

“Qytetarët e Kosovës e dijnë kur është mjaft, e dijnë se është koha për një kapitull të ri”, deklaroi ajo.

“Përgjegjësia që na e keni dhënë është po ashtu një nder i madh. Ky është kapitull i punëve që do të kryhen”, ka shtuar u.d e presidentit.

Tutje, ajo nuk e ka lënë pa përmend edhe luftimin e korrupsionit, fjali kjo e dëgjuar shumë shpesh në fushatën zgjedhore të VV-së.