“Keqtrajtim, vrasje të qenëve dhe kërcënim”, Arton Shala, qytetar i Gjilanit, nga lagjia Kamnik, po akuzohet nga aktivistët e kafshëve me dyshimin se po keqtrajton qentë në mënyrë çnjerëzore, shkruan Insajderi.

Një aktiviste nga Gjilani, B.F(emer i njohur për redaksinë), ka raportuar se personi në fjalë, është duke kryer vrasje ndaj një numri të madh të qenve në Gjilan. Siç ka treguar ajo një aktivist i kafshëve kujdeset për një grup të qenve dhe i dyshuari Arton Shala po hyn në pronën e tij (dmth në pronë private), dhe po i mbytë e keqtrajton ata.

Kështu pronari i pronës ku Shala po hyn, është detyruar të vendosë kamera, duke siguruar pamje të tij nga momentet kur hyn, sulmon dhe mbytë qentë.

“Ne jemi aktivistë për mbrojtje te kafshëve dhe kemi raportua as vet nuk e dim se sa, por as një gjë nuk ka ndryshua, ai prap vazhdon ti mbyt qentë dhe me i rreh. Ne në Gjilan jemi në zor nga ai narkoman e psikopat se nuk di qysh mundet një njeri normal mi bo ato“, tha ajo për Insajderin.

B.F (emer i njohur për redaksinë) ka thënë për Insajderin se i njëjti e ka sulmuar dhe kërcënuar me jetë.

“Më ka kërcnu në park të qytetit, veç pse e kam raportu si rast pasi që e kam parë duke abuzua me qentë, nuk e di se qysh kam shpëtu prej tij, tutna prej tij. Unë hala tutna me dal në rrugë me frikë se më del ai maniak“, tha ajo për Insajderin.

Por, sipas B.F edhe pse ai është raportuar disa herë në Polici për kërcënim dhe keqtrajtim mizor ndaj kafshëve ende vazhdon të jetë në liri.

Gazeta Insajderi ka provuar të kontaktojë me personin në fjalë, por deri më tani nuk ka marrë ndonjë përgjigjje.

Gazeta Insajderi gjithashtu ka provuar të kontaktojë me Gjykatën Themelore në Gjilan, dhe Policinë e Kosovës, por të njëjtin deri në publikimin e këtij teksti nuk i janë përgjigjur gazetës.

Lidhur me këtë rast kanë reaguar edhe Fondacioni për të Drejtat e Kafshëve, të cilët kanë thënë se pas të gjithave personi në fjalë vazhdon të jetë i lirë.

“Prokuroria në Gjilan ka ngritur aktakuzë ndaj të dyshuarit për keqtrajtim të kafshëve, vjedhje të rëndë dhe kanosje. Por autori mbetet ende i lirë, dhe vazhdon të kryejë krime” thuhet në postim.