“Marshojmë s’festojmë”, “Edhe sa gra të vrara”, “kundër dhunës ndaj grave|”, kështu nisi organizimi nga aktivistet e të drejtave të grave sot në Prishtinë.

Me rastin e Ditës Ndërkombëtare të gruas, nga ora 10:00 deri në orën 13:00, qytetarët ishin mbledhur për të shprehur pakënaqësitë ndaj pushtetit, policisë e prokurorisë sot për trajtimin ndaj grave në vendin tonë.

Marshi ka nisur nga Pallati i Drejtësisë dhe ka vazhduar në sheshin “Zahir Pajaziti”, për të përfunduar te objekti i Qeverisë së Kosovës ku u bënë edhe thirrje të shumta për gratë e vrara ndër vite.

Emrat e grave kumbuan në oborrin e Qeverisë së Kosovës. Në shenjë revolte edhe ndaj organeve të rendit, aktivistët hodhën edhe boca me tym para objektit të stacionit policor të Kosovës.

Me tiganë, lugë e tava nga kuzhina, gratë bënë thirrje për barazi.

Ky aktivitet përfundoi pa ndonjë incident dhe thirrja e fundit ishte që marshi nuk duhet të ndalojë me sot./Insajderi