Presidenti i Serbisë, Aleksandar Vuçiq, është takuar para raundit të ri të dialogut Kosovë-Serbi në Bruksel, me Përfaqësuesin e Lartë të Bashkimit Evropian për Politikë të Jashtme dhe Siguri, Josep Borrell.
Një gjë të tillë e ka njoftuar Vuçiqi me anë të një postimi në ‘Instagram’, shkruan Gazeta Insajderi.
“Në prag të fillimit të një takimi tjetër të vështirë në Bruksel. Interesat e Serbisë dhe të popullit serb në Kosovë janë gjithmonë mbi të gjitha”, ka mbishkruar Vuçiq, teksa ka bashkëngjitur një foto me Borrell.
Takimi mes Vuçiqit dhe kryeministrit të Kosovës, Albin Kurtit, veçse ka filluar. Në këtë takim, pritet t’u prezantohet palëve statuti i Asociacionit të Komunave me shumicë serbe. /Insajderi.org/