Kryetari aktual i komunës së Vushtrrisë, i cili është edhe kandidat për kryetar të komunës nga radhët e LDK-së, Xhafer Tahiri, ka falenderuar gastronomët e kësaj komune për bashkëpunim.

Ai tha se ky sektor është goditur nga pandemia dhe duhet falur gjobat.

“Bashkë kemi përballuar më lehtë pandeminë. Gastronomët janë goditur fort nga pandemia, dënimet e gjobat duhet të ju falen, Komuna dhe unë do të jemi gjithë bashkë me gastronomët”, tha Tahiri.

Kryetari i Vushtrrisë tha se më programin e tyre do të përfitojnë të gjithë gastronomët dhe të rinjtë e këtij qyteti.

“Me programin tonë, 0 taksë e tatim në pronë, përfitojnë të gjithë gastronomët dhe të rinjtë vushtrrias pa dallim”, ka thënë Tahiri.