Edon Zhegrova ka postuar në rrjetet sociale dy lëvizjet magjike në stadiumin “Fadil Vokrri” të martën, në fitoren 4-0 të Kosovës ndaj Azerbajxhanit.

Talenti 19-vjeçar i Genkut u inkuadrua në lojë në minutën e 74’ në vend të Milot Rashicës, kur rezultati ishte 3-0.

Zhegrova bëri paraqitje fantastike për më shumë se 15 minuta sa ishte në fushë, teksa dhuroi edhe spektakël me lëvizjet e tij magjike për të gjithë tifozët e pranishëm në stadiumin “Fadil Vokrri”.

Me këtë fitore, Kosova arriti të kualifikohet në ‘play-off’ të Ligës së Kombeve, aty ku do të përballet me Maqedoninë fillimisht dhe në rast fitores, pastaj do të ketë punë me Gjeorgjinë ose Bjellorusinë.

Kosova është 2 ndeshje larg Euro 2020, gjithmonë nëse nuk arrin kualifikimin në Kampionatin Evropian përmes ndeshjeve kualifikuese që do të nisin në mars të 2019-ës. /Insporti.com