Mbrëmë (e diele) në kryeqytet qytetarët u shqetësuan pasi dëgjuan disa zhurma të pazakonta. Disa qytetarë u shprehen të shqetësuar duke u shprehur se është shenjë që i paraprinë një tërmeti. Për këtë për Insajderin ka dhënë sqarim Sizmilogu, Shemsi Mustafa.

Mustafa u shpreh se nuk ka asgjë për t’u shqetësuar dhe se kjo zhurmë ska të bëjë me sizmologjinë.
Ai konfirmoi se zhurma ka ndodhur si pasojë e problemeve me industri.

“Zhurmat e dëgjuara mbrëmë skanë të bëjnë asgjë me tërmete. Në rast tërmeti, zhurmat krijohen, lëshohen gjatë procesit. Por, nuk asnjë lidhje me zhurmën e dëgjuar mbrëmë, që vije nga industritë”, ka sqaruar Mustafa për Insajderi.

Bazuar në reagimet e qytetarëve nëpër rrjetet sociale, zhurma që u cilësua “e çuditshme” u dëgjua 3-4 herë nga 30-40 sekonda, çdo 2-3 minuta.

Zhurmat e pazakonshme që u dëgjuan mbrëmë në kryeqytet kanë ndodhur si shkak i një defekti që ka ndodhur në njërin prej njësive në Korporatën Energjetike të Kosovës (KEK). Kështu ka konfirmuar për Insajderin zëdhënësi i korporate, Skënder Bucolli.

Bucolli konfirmoi se janë ekipet gjegjëse janë duke punuar drejt eliminimit të këtij defekti.

“Nuk ka asgjë për shqetësim. Mbrëmë rreth orës 23:55 për shkak lidhjes së shkurt të stabilimentit të KOSTT-it, njësia A4 është shkyç nga rrjeti dhe si pasojë janë krijuar disa zhurma, në intervale sekondash. Aktualisht edhe njësitë e ekspertëve të KOSTT-it e KEK-ut duke punu për ta eliminuar atë defekt dhe me kthy në funksion…”, tha Bucolli për Insajderin.

I pyetur nëse kjo dukuri ka ndodhur edhe më herët, Bucolli “kjo ka ndodhur disa herë”.

/GazetaInsajderi