Ipswich Town e ka kompletuar transferimin e Bersant Celinës në ditën e fundit të afatit kalimtar veror.

Reprezentuesi i Kosovës i është bashkuar klubit anglez nga Dijoni në huazim për edicionin 2021/22.

Celina ishte pjesë e klubit anglez edhe në edicionin 2017/18, ku kishte shënuar tetë gola në 28 paraqitje.

“Bersant ka qenë këtu më parë dhe cilësitë e tij janë të padiskutueshme”, ka thënë trajneri i Ipswichit, Paul Cook.

“Ai ka teknikë të mirë, shpejtësi dhe është futbollist ndërkombëtar. Jemi të kënaqur me ardhjen e tij”, shtoi ai.

Ndryshe, Ipswich Town garon në divizionin e tretë të futbollit anglez.