Klubi i Norwich Cityt ka njoftuar emërimin e Dean Smithit si trajner të ri të klubit.

Lajmi është konfirmuar përmes faqes zyrtare të klubit.

Smithi ka nënshkruar një kontratë prej dy vjetësh e gjysmë dhe do t’i bashkohet në Norfolk ndihmëstrajnerit Craig Shakespeare.

Së fundi, Smithi ishte trajner i Aston Villas, gjersa ai u shkarkua nga klubi pas rezultateve të dobëta.

Smithi gëzon një përvojë të madhe në Norwich City.

Në Aston Villa ai ndihmoi në drejtimin e klubit drejt promovimit nga Championship gjatë sezonit të tij të parë në krye, përpara se të pasonin dy fushata të suksesshme në Premierligë.

Smithi gjithashtu e drejtoi Villan në finalen e Kupës së Ligës 2019/20, duke humbur përfundimisht nga Manchester City në “Wembley”.

“Norwich City është klub i madh, me përkrahës të shumtë, të cilët e kuptojnë plotësisht çfarë do të thotë të jesh pjesë e klubit dhe komunitetit të tij”, tha Smithi, transmeton zëri.

“Unë gjithmonë kam punuar për përmirësimin dhe zhvillimin e lojtarëve dhe me këtë vjen edhe përmirësimi i paraqitjeve, natyrisht”, shtoi ai.

Norwichi është i fundit në tabelën e Premierligës, pesë pikë larg zonës së mbijetesës.