UEFA ka bërë të ditur se janë miratuar ndryshimet për skuadra që do të zbatohen në Kampionatin Evropian “Euro2020”, që do të mbahet nga muaji qershor deri në korrik, shkruan Insporti.com.

Kampionati i ardhshëm Evropian fillon më 11 qershor të kësaj vere dhe skuadrat duhet të regjistrohen 10 ditë para garës.

UEFA ka njoftuar zyrtarisht skuadrat mund të përfshijnë 26 lojtarë për kampionatin e ardhshëm dhe mund të ndryshohen vetëm deri në ndeshjen e parë.

“Skuadrat e Euro 2020 do të shfaqin deri në 26 lojtarë. Lista e skuadrave do të dorëzohet më 1 qershor, por ekipet do të jenë në gjendje të bëjnë zëvendësime të pakufizuara në rast të dëmtimit të rëndë ose sëmundjes para ndeshjes së parë. Portierët mund të zëvendësohen përpara çdo ndeshjeje”, thuhet në komunikatën e UEFA-s, lëshuar sot.

Lëndimi dhe sëmundja serioze gjithashtu përfshin hipotezën e pozitivitetit ndaj COVID-19, si dhe atë të një lojtari në kontakt të ngushtë me dikë që rezulton pozitiv.

Kampionati i ardhshëm Evropian fillon më 11 qershor të kësaj vere dhe skuadrat duhet të regjistrohen 10 ditë para garës. /Insporti.com/