Ish-deputeti i Lëvizjes Vetëvendosje, Emrush Xhemajli duket se është nervozuar sot shumë, me nderimet që po i bëhen në 16 vjetorin e vdekjes presidentit historik Ibrahim Rugova.

Ai nëpërmes llogarisë së tij në facebook ka shpërndarë një shkrim të Rexhep Qosjes, ku ky i fundit e kishte krahasuar ish-presidentin Ibrahim Rugova me shkrimtarin austriak Peter Handke, pasi sipas Qosjes të dy kanë kërkuar ndaljen e bombardimeve të NATO-s ndaj Serbisë.

Xhemajli e quan Rugovën “tradhtar i vendit dhe i popullit të tij”.

“Nëse doni të dini se çfarë janë politikanët shfletoni dokumentet që nënshkruajnë. Vendimet që marrin. Marrëveshjet që bëjnë, Dogovoret që i firmosin. Të tjerat janë mite, legjenda, pallavra për mashtrim dhe vetmashtrim. Mesazhi që jepet për gjeneratat e reja kur nderohen ata që kolaborojnë me okupatorët e ka vetëm një kuptim të ulët: Edhe nëse tradhton vendin e popullin tënd nuk ka dert, përsëri do të nderohesh”, shkruan Xhemajli.