Kandidati, Gazmend Hoxha është renditur i pari me pikë në konkursin e shpallur për Drejtor të Përgjithshëm të Policisë.

Emri i tij është bërë publik nga Ambasada e Britanisë së Madhe në Kosovë.

Por, një njoftim zyrtar për këtë rezultat vetë Gazmend Hoxha ende nuk e ka pranuar.

I kontaktuar nga Gazeta Insajderi, Hoxha tha se ende nuk është njoftuar zyrtarisht lidhur me rezultatin.

“Unë ende nuk kam pranuar një njoftim nga Ambasada e as nga askush tjetër”, tha ai.

Gazmend Hoxha, i cili aktualisht mbanë pozitën e Drejtorit të Departamentit për Operacione, nga plot 40 pikë sa ishin në fjalë, ka grumbulluar 27.5 sosh.

Të dhënat janë publikuar prej Ambasadës së Britanisë së Madhe.