Në seancën e sotme parlamentare po diskutohet propozim-rezoluta në lidhje me çmimin dhe faturimin aktual të energjisë elektrike për konsumatorët. Lidhur me këtë ka mbajtur fjalim edhe Deputeti i Kuvendit të Kosovës nga radhët e LDK-së, Besian Mustafa.
Mustafa tha LDK-ja ka program të detajuar për nxjerrjen e vendit nga kjo krizë energjetike.
Tutje, deputeti tha se do të ndërtojnë centralin me gaz amerikan me kapacitete prej 500 megavateve.
“LDK ka një vizion të qartë për Kosovën dhe një program të detajuar për nxjerrjen e vendit nga kjo krizë energjetike. Ne do të ndërtojmë centralin me gaz amerikan me kapacitete prej 500 megavateve. Do të bëjmë gazifikimin e Kosovës me burim po asht gazin amerikan nga Greqia, duke kaluar përmes Shkupit drejt Hanit të Elezit e deri ne Mitrovicë”, ka thënë ai në Kuvend.