Në një shtet ku shpesh ndodh që fjala e qytetarit të mos ketë peshë përballë autoritetit, një qytetar nga Prishtina vendosi të mos hesht.

Ishte 20 dhjetor i vitit 2024. Një ditë e zakonshme, një rrugë e zakonshme… por një ndalim nga policia e trafikut në fshatin Hodonoc, Komuna e Kamenicës, e ktheu ditën e tij në një betejë që do të zgjaste pesë muaj.

Policët Lindrit Mavriqi dhe Drin Canaj, të Njësisë së Trafikut Rrugor në Kamenicë, i shqiptuan një gjobë prej 150 eurosh, me pretendimin se kishte parkuar veturën në mënyrë të parregullt.

Por kjo nuk ishte e vetmja arsye. Qytetari B.S. pretendoi se arsyeja reale e ndëshkimit ishte akuza për mosvendosje të rripit të sigurisë – një pretendim që ai e hodhi poshtë menjëherë.

Ai kishte prova filmike. Pamje që e tregonin qartë se: rripi i sigurisë ishte i vendosur. Ai refuzoi të paguante një gjobë të cilën e konsideronte jo vetëm të padrejtë, por edhe të pabazuar në fakte.

Me vendosmëri, B.S. kërkoi shqyrtimin e rastit nga Komisioni për Vendosje në Policinë e Kosovës.

Ai dorëzoi provat, shpjegoi ngjarjen dhe këmbënguli në të drejtën e tij. Më 23 janar 2025, Komisioni mblidhet për të shqyrtuar rastin.

Pas analizimit të fakteve, dëgjimit të palëve dhe verifikimit të pamjeve, vendimi ishte i qartë: Kundërshtimi i qytetarit ishte i bazuar. Nuk kishte prova të mjaftueshme që ai kishte kryer ndonjë kundërvajtje.

Gjoba u shfuqizua. Procedura u pushuar. Rasti u publikua nga Gazeta Insajderi, ku qytetari e kishte denoncuar ngjarjen.

Në vijim mund të shihni storien e realizuar nga gazetarja e Insajderit, Dijellza Preniqi.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!