Ish-veprimtari politik, Adem Salihaj ka treguar një përvojë të tij me ish-komandantin e Shtabit të UÇK-së në Zonën Operative të Nerodimes, Shukri Buja.

Salihaj ka thënë se Buja e kishte thirrur në takim në shtab dhe e kishte kërcënuar drejtpërdrejt, duke i thënë që të mos jepte më deklarata.

“Mua më kanë thirrë në shtab të Zonës së Nerodimes edhe m’u kanë kërcënuar direkt. Direkt më kanë kërcënuar, komandanti i shtabit Shukri Buja më ka thënë se nëqoftëse ti flet edhe një herë, ne të arrestojmë”, u shpreh Salihaj në Pressing.

“Në Kosovë nuk ka gjykatë që guxon me i gjyku këta”, ka vazhduar Salihaj duke e pasur fjalën për prijësit e UÇK-së.

Tutje, Salihaj ka thënë se nuk mund të thuash që s’janë vrarë njerëz në Kosovë për motive politike.

“Janë vrarë vetëm zyrtarë të LDK-së, jo të PDK-së”, ka shtuar ai.