Dy persona kanë pësuar lëndime me ç’rast edhe janë dërguar në Qendrën Klinike Universitare të Kosovës (QKUK), pas një aksidenti në Prishtinë.

Zëdhënësi i Policisë së Kosovës, Bajram Krasniqi ka treguar për Gazetën Insajderi, se ky aksident ka ndodhur në bulevardin “Dëshmorët e Kombit”, ose siç njihet ndryshe tek aleanca.

“Në ora 13:00, policia është njoftuar për një aksident trafiku në bulevardin ‘Dëshmorët e Kombit’ Prishtinë. Në aksident është përfshirë një veturë dhe dy këmbësor/e. Është njoftuar edhe ekipi mjekësor emergjent, të cilët kanë transportuar për në QKUK dy të lënduarit. Policia është duke bërë matjet dhe shikimin e vendit të ngjarjes”, ka thënë Bajrami. /Insajderi.org