Mediat dhe gazetarët duhet të kenë mundësinë të punojë të pa frikësuar, ka thënë sot Ambasadori i Gjermanisë, Jorn Rohde, pas një takimi që zhvilloi sot me Visar Duriqin, gazetarin e Insajderit.

Rohde dhe Duriqi kanë drekuar së bashku, dy javë pas sulmit fizik, viktimë e së cilës ishte autori i emisionit InDoks.

“Sot drekova me gazetarin hulumtues Visar Duriqi nga Insajderi, njëkohësisht ish-mysafir i Fondacionit për Personat e Përndjekur Politik në Hamburg, i cili u sulmua egërsisht dy javë më parë. Media duhet të jetë në gjendje të punojë pa frikë”, u shpreh Rohde. /Insajderi.org