Arkeologia e re kosovare, Zana N. Hoxha, mori pjesë në konferencën shkencore në Belfast, kryeqyet i Irlandës Veriore.

Zana Hoxha, hulumtuese e pavarur shkencore në Institutin Albanologjik dhe doktorante e arkeologjisë në Universitetin e Zarës në Kroaci, mori pjese ne konferencën e organizuar nga Asociacioni i Arkeologëve të Evropës, në Belfast, Irlandë e Veriut, si organizuese e sesionit «Stone, Brick and Mortar: Architecture of the Early Medieval Period in the Balkans» (Gur, tullë dhe llaç: Arkitektura e periudhës së hershme mesjetare në Ballkan) , dhe u paraqit me kumtesën e saj “Early Christian churches as part of the complex of Late Antiquity Fortresses in Kosovo” (Kishat paleokristiane si pjesë e kompleksit të kalave të antikitetit të vonë në Kosovë).

Prezantimi kishte për fokus analizën tipologjike të kishave paleokristiane si pjesë e komplekseve të kalave të antikitetit të vonë. Konferenca e Asociacionit Evropian të Arkeologëve është konferenca më e madhe e arkeologjisë që organizohet në Europë, duke mbledhur rreth 3000 pjesëmarrës nga gjithë bota.

Pjesëmarrja në këtë konferencë përveç kontributit shkencor luan edhe rrol të madh në krijimin e bashkëpunimeve ndërinstitucionale të fushës.