Një person është arrestuar për dhunë në familje në fshatin Sllovi të Lipjanit. I njëjti dyshohet edhe për armëmbajtje pa leje.
Në shtëpinë e të dyshuarit janë sekuestruar një kallashnikov, tre karikatorë dhe 94 fishekë, shkruan Insajderi.
“Ndaj personit të dyshuar në konsultim me prokurorin e shtetit, është iniciuar rast për veprat dhunë në familje dhe mbajtje në pronësi, kontroll ose posedim të pa autorizuar të armëve. Me vendim të prokurorit të shtetit është dërguar në mbajtje”, thuhet në njoftimin e policisë.