Në debatin parlamentar për punën dy-vjeçare të Qeverisë Kurti, deputetja e LDK-së, Hykmete Bajrami  ka thënë se me ligjin e ri të pagave, punëtorëve të administratës publike i është ulur paga .

Ajo  ka bërë me dije se këtë ligj, sot Avokati i Popullit do ta dërgojë në Gjykatën Kushtetuese.

“E keni caktuar koeficientin e pagave 105 euro duke ua ulë pagat dhjetëra mijëra qytetarëve në administratë publike, e po ka edhe greva. Për shkak të ankesave sot Ligji për Pagat përfundon në Gjykatën Kushtuese. I dërguari tani jo prej opozitës, po prej Avokatit të Popullit sepse është kërkesë e palëve të interesit”, ka thënë Bajrami.