Një nga tri propozimet e Bordit të KEK-ut për dalje nga kriza që mund të qoj vendin në kolaps energjetik, përfshihet edhe një ndërhyrje emergjente, ka zemëruar banorët e fshatit Shipitullë, pronarët e tokave që ende nuk janë shpronësuar.

Opsionin e dytë sipas Bordit është parandalimi i ndonjë katastrofe për ndonjë zonë aty.

“Të ndërmerren veprime që parashohin parandalimin e ndonjë katastrofe për ndonjë zonë ose banor. (kjo është e paraparë edhe me ligjet në fuqi, ligji mbi emergjenca që lejon veprim preventiv të agjencionit për menaxhimin e emergjencave)”, thuhet të jetë propozuar si opsion i dytë.

E këtë opsion përfaqësuesi i banorëve të Shpitullës, Saim Krasniqi po e sheh si kërcënim se KEK po planifikon t’i largoj banorët edhe me dhunë.

“KEK thjesht nuk po dëshiron që të gjejnë ndonjë zgjidhje. Nuk mundesh një fshat të tërë me e largu me dhunë. Nuk ka polici që na largon nga këtu pa i plotësuar kërkesat tona”, ka thënë Krasniqi.

Ai ka thënë se shteti po i problematizon vetëm 8 shtëpi të cilat janë ndërtuar pas vitit kur fshati i tyre është shpallur Zonë me interes shtetëror.

“Nuk janë 8 shtëpi por janë 140 që janë shtëpi spekulative, pra që janë ndërtuar vetëm për ta rritur çmimin e shpronësimit. Ministria e Mjedisit është dashur ta ndalojë këtë por nuk e ka bërë përkundër që banorët kanë lajmëruar disa herë”, ka thënë Krasniqi për Insajderin.

Krasniqi i tha Insajderit se në fshat janë 240 shtëpi dhe vetëm 100 prej tyre janë të banorëve që jetojnë aty, e të tjerat janë ndërtuar për qëllime të shpronësimit. /Insajderi.com