Visar Bekaj do të jetë pjesë e Përfaqësueses së Kosovës për ndeshjet e qershorit. Bekaj ka pranuar ftesën nga përzgjedhësi Bernard Challandes, ka njoftuar klubi shqiptar KF Tirana, raporton Insporti.com.

Klubi i Tiranës ka njoftuar se Bekaj do të jetë pjesë e Kosovës për këto ndeshje.

“Portieri i Tiranës Visar Bekaj është grumbulluar nga përfaqësuesja e Kosovës për ndeshjet që do të zhvillohen përgjatë muajit Qershor. Gardiani bardh’e blu do të grumbullohet me skuadrën në fillim të muajit të ardhshëm. I urojmë suksese në përballjet e rradhës”, njofton klubi shqiptar.

Përfaqësuesja e Kosovës do t’i zhvillojë katër miqësore në muajin e ardhshëm.

Fillimisht, më 1 qershor, Kosova e pret San Marinon në Prishtinë, më 4 qershor luan përballë Maltës në Austri, derisa më 8 qershor dhe 11 qershor luan ndaj Guineas, respektivisht Gambisë në Turqi.