Takimi i parë gjysmëfinal i Ligës së Kampionëve mes Real Madridit dhe Chelsea mbrëmë përfundoi me rezultatin 1-1, raporton Insporti.
Ishte Karim Benzema ai që e barazoi rezultatin në 1-1 me një gol të jashtëzakonshëm nga afërsia pas një goditje nga këndi, duke arritur në pozitën e katërt të golashënuesve më të mirë në histori të Ligës së Kampionëve dhe duke u barazuar në golat e shënuara me legjendën e Real Madridit, Raul Gonzales.
Francezi me golin e shënuar ndaj Chelseat arriti në kuotën e 71 golave në histori të këtij kompeticioni.
Para ish sulmuesit të Lyonit në listën e golashënuesve më të mirë janë; Cristiano Ronaldo, Lionel Messi dhe Robert Lewandowski. /Insporti.com