Gjykata Kushtetuese ka vendosur sot lidhur me kërkesat e ish-deputetëve Albert Kinolli dhe Veton Berisha, lidhur me vlerësimin e kushtetushmërisë së Aktgjykimit të Gjykatës Supreme. Në rast se Kushtetuesja do të merrte parasysh pretendimet e tyre atëherë mund të afektohej edhe pozita e Presidentes, është vlerësuar nga njohës të drejtësisë.

Kërkesën e Kinollit e ka deklaruar si të papranueshme, derisa atë të Veton Berishës e ka deklaruar të pranueshme për shqyrtim në merita.

Ndaj kësaj ka reaguar Berisha ai tha se janë në pritje të një dokumenti final që lëshon Gjykata.

“Akoma nuk e kamë të qartë se pjesës time i kanë dhënë të drejtë. Po presim dokumentin përfundimtar. Për mu ka rëndësi që kam vazhdu procesin deri këtu, jam i lumtur që i kam kontribu vendit sepse rasti ka qenë krim politik”, tha ai në RTV Dukagjin.