Abdullah Haxhiu është shkarkuar nga pozita e Kryeshefit Ekzekutiv të Kompanisë për Menaxhimin e Deponive. Në mbledhjen e jashtëzakonshme të mbajtur dje thuhet se i njëjti nuk ka përfillur kërkesat e aksionareve dhe nuk ka përmbushur detyrat e tij.
Në një përgjigje për Gazetën Insajderi, Haxhiu tha e ka quajtur këtë vendim të një anshëm dhe të padrejtë.
“Unë jam i informuar për një komunikatë të Bordit të Përkohshëm “dhunshëm” Është arbitrar,i padrejtë, i njëanshëm, po sa ta kem zyrtarisht vendimin do të kontestoj në organet gjygjësore, tha ai.
Në vendimin e marrë dje nga Bordi i Përkohshëm i Drejtorëve theksohet se kjo po bëhet për shkak të shkeljeve ligjore.
Aty u përmend edhe raporti i Zyrës se Auditimit dhe disa projekte që thuhet se janë rrezikuar nga Abdullah Haxhiu.
“Rrezikoi projektin “Menaxhimi i Mbeturinave të Ngurta Il-IV” në vlerë prej 53 milion euro i financuar nga Banka Zhvillimore e Republikës Federale të Gjermanisë *KW” për shkak të dërgimit të informatave të gabuara dhe jo të plota për shpronësimin e pronave të paluajtshme që kërkohen për realizimin e projektit“, thuhet në vendim.
Ky i fundit është vëllai i deputetit të PDK-së Bekim Haxhiu.