Për 24 orët e fundit në Bosnje dhe Hercegovinë janë regjistruar gjithsej 999 raste të reja të koronavirusit.

Kjo është 73 më tepër në krahasim me dje kur janë shënuar 926 raste. Është testuar përafërsisht numri i njëjtë i personave, pak më shumë se tre mijë, transmeton Kliks.ba.

Për 24 orët e fundit në Entin për Shëndetin Publik të Federatës së BeH janë testuar 2.075 mostra, prej të cilëve 606 dolën pozitivë në COVID-19.

Deri ditën e sotme, në këtë vend janë shëruar 18.062 pacientë. Aktualisht janë aktive 5.483 raste.

 Për 24 orët e fundit kanë vdekur 17 persona si pasojë e këtij virusi, dhe numri i përgjithshëm i viktimave të koronavirusit në Bosnje dhe Hercegovinë është 682. /Insajderi.org.