Autor: Halil Matoshi, shkrimtar dhe publicist
Përsiatje e shkurtër
Qyteti i antikitetit Butrint përshkruhet në Eneidën e Vergilit si një Trojë e vogël.
Sipas legjendës, Enea (Jul Cezari e sheh si t’birin e Venus e paraardhës i romakëve) zbarkon në Buthrotum, pasi lundroi në veri nga Actium. Ai e zatetë Andromakën tue qajtun në cenotafin (varrin bosh) të ish-bashkëshortit të saj, Hektorit, i cili ishte vramë nga Akili në Trojë.
Andromaka i tha Eneas me ia majtë dorën me dyja duert dhe fjeti.
Skenë që s’ka qare pa u përseritë mas mija vjetësh.
2.
Hektori kishte dekun çaste para beteje – simas konceptit aristotelian të kohës – mbasi ai pati ni vegim.
3.
Në poezinë “Pse qajmë” (Hija e Krishtit) jam përpjek me i poetizu lotët.
Porse pse qanë dy gjysëmzotat, Priami dhe Akili?
Priami qan masi djali i tij i shenjuem âsht vramun dhe gjymtue dhe ai hala nuk mundet me e varros t’birin. Përdhosja e ni trupi dhe mbajtja e tina tue mos i leju rritet e vorrimit hyjnor, e pengoi atë me lëviz edhe në jetën e përtejme. Pra heroit (gjysëmhyjni) ia kish cënu Thymosin. Dinjitetin e Heroit që âsht hem zemrim hem kreni!
Akili synonte me e dënue Hektorin edhe masi kishte dekun.
Akilit papritmas i kujtohet baba i tij, i destinuem mos me e pa mâ; ai vajton për veten e tij dhe sheh babanë e tij tek Priami, ma në fund i zbutet zemra tue ia kthy trupin e rivalit babës së tij.
Derisa Enea mbanë në shpinë babën e vet – simas traditës heroizuese dhe thymi’s-it, Priami mbanë të birin, Hektorin.
Pra rolet janë zhvendosun.
4.
Akti kur Priami i përlotun e lutë Akilin me ia kthy kufomën e t’birit merret si çasti ma dramatik në tanë dramaturgjinë perëndimore.