Juan Cuadrado mund të vazhdojë karrierën në Turqi. Ai është i lidhur me një kalim te Fenerbahçe.

Kolumbiani është futbollist i lirë pasi u zyrtarizua largimi i tij nga Juventusi, pas skadimit të kontratës më 30 qershor.

35-vjeçari kaloi tetë sezone në Torino.

Sipas gazetarit italian, Alfredo Pedulla, Cuadrado po shqyrton me kujdes mundësitë për hapin e tij të ardhshëm, teksa po shpreson që të ketë oferta nga Premierliga, Serie A apo La Liga.

Ndërkohë, Fenerbahçe ka disa javë që është interesuar për të dhe ai ka filluar ta shqyrtojë propozimin e tyre më seriozisht. Kësisoj, një lëvizje e mundshme në Turqi mund të jetë në horizont.

Gjatë tetë viteve të tij te Juventusi, Cuadrado shënoi 26 gola dhe kontribuoi me 65 asistime, duke e ndihmuar klubin të fitonte trofe të shumtë, duke përfshirë pesë tituj kampioni në Serie A dhe katër trofe të Kupës së Italisë. /Gazeta Express/